ਹਸਨ ਦੇ ਬੁਵਨਹੱਲੀ ਪਿੰਡ ਦੀ ਪੱਲਵੀ ਅਤੇ ਅਲੂਰ ਤਾਲੁਕ ਦੇ ਵੇਣੂਗੋਪਾਲਜੀ ਦੇ ਵਿਆਹ ਦੀਆਂ ਰਸਮਾਂ ਚੱਲ ਰਹੀਆਂ ਸਨ। ਇਨ੍ਹਾਂ ਰਸਮਾਂ ਦੇ ਵਿਚਕਾਰ, ਜਦੋਂ ਲਾੜਾ ਆਪਣੀ ਹੋਣ ਵਾਲੀ ਦੁਲਹਨ ਨੂੰ ਮੰਗਲਸੂਤਰ ਪਾਉਣ ਲਈ ਤਿਆਰ ਸੀ, ਤਾਂ ਉਸਨੇ ਉਸ ਨਾਲ ਵਿਆਹ ਕਰਨ ਤੋਂ ਸਾਫ਼ ਇਨਕਾਰ ਕਰ ਦਿੱਤਾ। ਸਟੇਜ 'ਤੇ ਮੌਜੂਦ ਹਰ ਕਿਸੇ ਦੇ ਕੁਝ ਸਮਝਣ ਤੋਂ ਪਹਿਲਾਂ ਹੀ, ਦੁਲਹਨ ਆਪਣੇ ਫੈਸਲੇ 'ਤੇ ਅੜੀ ਰਹੀ ਤੇ ਕਿਹਾ ਕਿ ਉਹ ਕਿਸੇ ਹੋਰ ਨੂੰ ਪਿਆਰ ਕਰਦੀ ਹੈ। ਉਸਨੇ ਇਹ ਵੀ ਕਿਹਾ ਕਿ ਉਹ ਆਪਣੀ ਜ਼ਿੰਦਗੀ ਉਸੇ ਮੁੰਡੇ ਨਾਲ ਬਿਤਾਉਣਾ ਚਾਹੁੰਦੀ ਹੈ। ਕੁੜੀ ਦੇ ਪਰਿਵਾਰ ਨੇ ਉਸਨੂੰ ਮਨਾਉਣ ਦੀ ਕੋਸ਼ਿਸ਼ ਕੀਤੀ ਤੇ ਉਸਦੇ ਰਿਸ਼ਤੇਦਾਰਾਂ ਨੇ ਵੀ ਉਸਨੂੰ ਮਨਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਕੁੜੀ ਆਪਣੇ ਫੈਸਲੇ 'ਤੇ ਅੜੀ ਰਹੀ।

ਮਹਿਮਾਨਾਂ ਦੇ ਸਾਹਮਣੇ, ਲਾੜਾ ਆਪਣੇ ਹੱਥ ਵਿੱਚ ਮੰਗਲਸੂਤਰ ਵੱਲ ਘੂਰਦਾ ਰਿਹਾ ਤੇ ਇਸ ਜ਼ਿੱਦ 'ਤੇ ਲਾੜੀ ਨੇ ਆਪਣੇ ਆਪ ਨੂੰ ਇੱਕ ਕਮਰੇ ਵਿੱਚ ਬੰਦ ਕਰ ਲਿਆ। ਮਾਮਲਾ ਵਧਦੇ ਹੀ ਪੁਲਿਸ ਮੌਕੇ 'ਤੇ ਪਹੁੰਚ ਗਈ। ਕੁੜੀ ਨਾਲ ਗੱਲ ਕਰਨ ਤੋਂ ਬਾਅਦ ਪੁਲਿਸ ਨੇ ਉਸਦੇ ਬੁਆਏਫ੍ਰੈਂਡ ਨੂੰ ਮੌਕੇ 'ਤੇ ਬੁਲਾਇਆ। ਦੋਵਾਂ ਦੀ ਸਹਿਮਤੀ ਤੋਂ ਬਾਅਦ ਪੁਲਿਸ ਨੇ ਉਨ੍ਹਾਂ ਦੇ ਪਰਿਵਾਰਾਂ ਨਾਲ ਚਰਚਾ ਕੀਤੀ ਅਤੇ ਫਿਰ ਪੂਰੀ ਸੁਰੱਖਿਆ ਦੇ ਨਾਲ ਲੜਕੀ ਨੂੰ ਥਾਣੇ ਲਿਆਂਦਾ। ਲੜਕੀ ਨੇ ਕਿਹਾ ਹੈ ਕਿ ਉਹ ਬਹੁਤ ਜ਼ਿਆਦਾ ਮਾਨਸਿਕ ਤਣਾਅ ਵਿੱਚ ਹੈ ਤੇ ਇਸ ਵੇਲੇ ਕਿਸੇ ਵੀ ਫੈਸਲੇ ਲਈ ਤਿਆਰ ਨਹੀਂ ਹੈ। ਬਿਆਨ ਦਰਜ ਕਰਨ ਤੋਂ ਬਾਅਦ, ਪੁਲਿਸ ਨੇ ਲੜਕੀ ਨੂੰ ਉਸਦੀ ਦਾਦੀ ਦੇ ਘਰ ਭੇਜ ਦਿੱਤਾ। ਜਦੋਂ ਵੇਣੂਗੋਪਾਲ  ਨੂੰ ਇਸ ਬਾਰੇ ਪਤਾ ਲੱਗਾ ਤਾਂ ਉਨ੍ਹਾਂ ਕਿਹਾ, 'ਜੇ ਕੁੜੀ ਇਹ ਨਹੀਂ ਚਾਹੁੰਦੀ, ਤਾਂ ਮੈਂ ਵੀ ਇਹ ਵਿਆਹ ਨਹੀਂ ਕਰਾਂਗਾ।' ਇਸ ਤਰ੍ਹਾਂ ਵਿਆਹ ਨੂੰ ਆਖਰੀ ਸਮੇਂ 'ਤੇ ਰੋਕ ਦਿੱਤਾ ਗਿਆ।