ਹੈਲਥ ਡੈਸਕ- ਅੱਜ ਦੇ ਸਮੇਂ ਵਿੱਚ ਹਰੇਕ ਸ਼ਖ਼ਸ ਨੂੰ ਫ਼ੋਨ ਦੀ ਜ਼ਰੂਰਤ ਹੈ। ਇੰਝ ਲੱਗਦਾ ਜਿਵੇਂ ਫ਼ੋਨ ਦੇ ਬਿਨਾ ਜ਼ਿੰਦਗੀ ਅਧੂਰੀ ਹੈ। ਫ਼ੋਨ ਦੀ ਵਰਤੋਂ ਜ਼ਿਆਦਾ ਹੋਣ ਕਾਰਨ ਲੋਕ ਕਿਸੇ ਹੋਰ ਕੰਮ ਵੱਲ ਧਿਆਨ ਹੀ ਨਹੀਂ ਦੇ ਰਹੇ। ਫ਼ੋਨ ਦਾ ਸਭ ਤੋਂ ਬੁਰਾ ਅਸਰ ਨੌਜਵਾਨ ਪੀੜ੍ਹੀ 'ਤੇ ਪੈ ਰਿਹਾ ਹੈ। ਰਾਤ ਦੇ ਸਮੇਂ ਜਾਂ ਹਨੇਰੇ ਵਿੱਚ ਫ਼ੋਨ ਦਾ ਇਸਤੇਮਾਲ ਕਰਨ ਨਾਲ ਬਹੁਤ ਸਾਰੇ ਨੁਕਸਾਨ ਹੁੰਦੇ ਹਨ। ਫ਼ੋਨ ਵਿੱਚੋਂ ਨਿਕਲਣ ਵਾਲੀ ਨੀਲੀ ਰੌਸ਼ਨੀ ਅੱਖਾਂ ਨੂੰ ਖ਼ਰਾਬ ਕਰ ਸਕਦੀ ਹੈ। ਜੇਕਰ ਤੁਸੀਂ ਅਤੇ ਤੁਹਾਡੇ ਬੱਚੇ ਵੀ ਰਾਤ ਦੇ ਹਨੇਰੇ ਵਿੱਚ ਫ਼ੋਨ ਦੀ ਵਰਤੋਂ ਕਰਦੇ ਹਨ ਤਾਂ ਤੁਸੀਂ ਸਾਵਧਾਨ ਹੋ ਜਾਵੋ। ਇਸ ਨਾਲ ਹੇਠ ਦੱਸੇ ਨੁਕਸਾਨ ਹੋ ਸਕਦੇ ਨੇ......

1. ਅੱਖਾਂ 'ਤੇ ਪ੍ਰਭਾਵ

• ਦੇਰ ਰਾਤ ਨੂੰ ਮੋਬਾਈਲ ਤੋਂ ਨਿਕਲਣ ਵਾਲੀ ਨੀਲੀ ਰੌਸ਼ਨੀ ਤੁਹਾਡੀਆਂ ਅੱਖਾਂ ਨੂੰ ਖ਼ਰਾਬ ਕਰਦੀ ਹੈ ਅਤੇ ਰੈਟਿਨਾ ਨੂੰ ਪ੍ਰਭਾਵਿਤ ਕਰਦੀ ਹੈ। 
• ਫ਼ੋਨ ਦੀ ਸਕਰੀਨ 'ਤੇ ਅੱਖਾਂ ਟਿਕਾਈ ਰੱਖਣ ਨਾਲ ਅੱਖਾਂ ਥੱਕ ਜਾਂਦੀਆਂ ਹਨ। ਇਸ ਨਾਲ ਅੱਖਾਂ ਵਿੱਚ ਜਲਣ, ਧੁੰਦਲੀ ਨਜ਼ਰ ਅਤੇ ਸਿਰ ਦਰਦ ਹੋ ਸਕਦਾ ਹੈ।

2. ਦਿਮਾਗ 'ਤੇ ਪ੍ਰਭਾਵ

• ਜ਼ਿਆਦਾ ਫੋਨ ਵਰਤਣ ਨਾਲ ਸਮਝਣ ਅਤੇ ਯਾਦ ਰੱਖਣ ਦੀ ਸਮਰੱਥਾ ਘਟ ਜਾਂਦੀ ਹੈ।
• ਸੋਸ਼ਲ ਮੀਡੀਆ ਅਤੇ ਅਨਲਾਈਨ ਸਮੱਗਰੀ ਵਧੇਰੇ ਦੇਖਣ ਨਾਲ ਮਨ ਵਿੱਚ ਨਕਾਰਾਤਮਕ ਸੋਚ ਆ ਸਕਦੀ ਹੈ।

3. ਸਰੀਰਕ ਪ੍ਰਭਾਵ

• ਫੋਨ ਵਰਤਣ ਦੌਰਾਨ ਗਲਤ ਪੋਸਚਰ (ਪਿੱਠ ਅਤੇ ਗਰਦਨ ਝੁਕਾਈ ਰੱਖਣੀ) ਨਾਲ ਗਰਦਨ, ਪਿੱਠ ਅਤੇ ਮੋਢਿਆਂ ਵਿੱਚ ਦਰਦ ਹੋ ਸਕਦੀ ਹੈ।
• ਜ਼ਿਆਦਾ ਸਮਾਂ ਫੋਨ ਲੈ ਕੇ ਬੈਠਣ ਨਾਲ ਕਸਰਤ ਘੱਟ ਹੋ ਜਾਂਦੀ ਹੈ, ਜਿਸ ਕਰਕੇ ਮੋਟਾਪਾ ਵਧ ਸਕਦਾ ਹੈ।

4. ਨੀਂਦ ਦੀ ਸਮੱਸਿਆ

• ਰਾਤ ਨੂੰ ਜ਼ਿਆਦਾ ਫੋਨ ਵਰਤਣ ਨਾਲ ਨੀਂਦ ਠੀਕ ਨਹੀਂ ਆਉਂਦੀ, ਜਿਸ ਨਾਲ ਤੁਸੀਂ ਅਨਿੰਦਰੇ ਦਾ ਸ਼ਿਕਾਰ ਹੋ ਸਕਦੇ ਹੋ।

5. ਰੇਡੀਏਸ਼ਨ ਪ੍ਰਭਾਵ

• ਲਗਾਤਾਰ ਫੋਨ ਵਰਤਣ ਨਾਲ ਸਰੀਰ ਵਿੱਚ ਊਰਜਾ ਦੀ ਘਾਟ ਅਤੇ ਦਿਮਾਗ 'ਤੇ ਪ੍ਰਭਾਵ ਪੈ ਸਕਦਾ ਹੈ।

ਸਮੱਸਿਆਵਾਂ ਤੋਂ ਬਚਣ ਲਈ ਕੁਝ ਉਪਾਅ

• ਰਾਤ ਨੂੰ ਫੋਨ ਘੱਟ ਵਰਤੋ – ਨੀਂਦ ਤੋਂ 1-2 ਘੰਟੇ ਪਹਿਲਾਂ ਫੋਨ ਬੰਦ ਕਰ ਦਿਓ।
• ਸਮੇਂ ਦੀ ਸੀਮਾ ਨਿਰਧਾਰਤ ਕਰੋ – ਦਿਨ ਭਰ ‘ਚ ਫੋਨ ਵਰਤਣ ਲਈ ਸ਼ਡਿਊਲ ਬਣਾਓ।
• ਫਿਜ਼ੀਕਲ ਐਕਟੀਵਿਟੀ ਕਰੋ – ਕਸਰਤ ਅਤੇ ਯੋਗ ਨੂੰ ਆਪਣੀ ਰੁਟੀਨ ‘ਚ ਸ਼ਾਮਲ ਕਰੋ।

ਜੇਕਰ ਤੁਸੀਂ ਇਹ ਸਾਵਧਾਨੀਆਂ ਵਰਤੋਗੇ, ਤਾਂ ਫੋਨ ਦੀ ਵਰਤੋਂ ਤੁਹਾਡੀ ਸਿਹਤ ‘ਤੇ ਘੱਟ ਪ੍ਰਭਾਵ ਪਾਏਗੀ।